Haste-rwgwi palaijakha Indian constitutions ni tangphang Dr.B.R Ambedkar ni 68 bisi mwtai chama sal. Haste ni montri okra Dr.Manik Saha ni sal kolokma ni kaisa emang mwkthang wngkha, Tripura bidhansabha tei secretariat bwskango Baba Sahed ni kaisa mangthong swnamjakha. Swrang salo mangthong phiyogmani pandao manjakha haste ni montri okra Dr.Manik Saha, haste ni maalmata tangbedekni montri Sudhangshu Das tei Tripura bidhansabha ni speaker Biswabandhu Sen. Kendra haphangni rangthongni chubachu bai tei haste haphang ni topsilijati hamkrai bedekni chubachu bai 50 lakh rang swbaiwi Baba Sahed Ambedkar ni mangthong swnamjakha hinwi sakha montri okra. haste o joto bosongni lukorog no tongkwchangni bising twi thansa khwlaiwi tongwi mana bagwi no haste haphang ni bwkhak twi sakhwlaijagwi tongo hinwi sakha montri okra. Indian constitutions ni tangphang Dr.B.R Ambedkar ni mwtai chama salo bini mangthongo khomriwi borom yapharkha haste aah tei maalmata hamkrai tangbedekni montri Sudhangshu Das. Rwng swrwngmani jora ni simi bahai khe satok pitok khwlaijagwi phaikha bo, tei jora ni logi bahai khe chuba khwlaiwi phaikha aborok no sai khwna rikha montri. Aboni logi bo teibu sakha, DR.B.R Ambedkar ni wansukmungno twiwi no samung khwlaiwi tongo hinwi sakha bo. Haste ni hamkrai ni bagwi no bidhansabha swnamjakha. Haste haphangni chaitokma bai bidhansabha bwskango swnamjakha Dr.B.R Ambedkar ni mangthong. Haste ni lukorog bini mangthongno nogwi, bo bwswk jora twi hakotor ni bagwi samung khwlailangkha aah kok rok no muito manai hinwi- swrang salo ah pandao manjagwi abohai no sakha Tripura bidhansabha ni speaker eba Dharmanagar ni MLA Biswabandhu Sen.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
