5 Lakh rangni rangchak no khobui sikok bodol ni master mind Jantu Mia no romkha Agartala salka thanani police. Thanai november talni simi no haste ni kwbangma thaio waire wai manwi khokjakmani patimung patiwi tongo. Khursathai kwlaio joto ni nogni no rang puisa tei rangchak no karwi tei mungsa manwi khokya hinwi saimankha. Aroni simi no saimankha, oh sikok rok kaisa bodol ni sikok no hinwi. Abohai khe no kaisa bodol swnamwi naicherwi tongo salka thanani police, tei khorok sini sikok no romkha hinwi saimankha. Borok ni yagu kwbangma rangchak mankha, borok no kok sungwi sikok bodol ni master mind Jantu Mia no bo romkha salka thanani police. Shivnagar o tongnai Shiuli Datta tei Sagarika Chokroborty ni nogni rangchak khokjakmani joto mankha hinwi sakha police. Sal kisa ni yagulo baki rangchak rok bo tikhalainai hinwi sakha Sadar SDPO Debapriya Roy. Oh sikok bodol romjakmani yagulo aulio manwi khokjakmani patimung tei kisa kominai hinwi kha-khwlaikha salka thanani police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
