Mizoram ni haste haphang Mizo National front-bodol no mechenwi kwbangma vote manwi kwplai wngkha Lalduhoma ni bodol Zuram people movement. Haphang swnamna thangwi tongo Zuram people movement. ZPM tei bodol ni tangphang Lalduhoma no kwplai wngmani bagwi kha kaham yapharkha montri bokhorok Narendra Modi. Mizoram ni hamkrai ni bagwi jeswk nangsak chubachu khwlainai hinwi sakha bo. Thanai koktisalo Rajasthan, Telangana, Chattishghar tei Madhyapradesh bidhansabha chongmarini result sakhwlaijakha. Aro ni bisingo Telangana no karwi tei kaitham haste o kwplai wngkha BJP bodol. Oh kaitham haste ni lukorog no kha kaham yapharmani logi Telangana ni lukorogni ganao tongnani bagwi kok rikha montri bokhorok Narendra Modi. BJP ni partner bodol MNP no mechenwi ZPM kwplai wngmani yagulo Mizoram haste ni lukorog ni ganao tongnani bagwi twit khwlaikha montri bokhorok Narendra Modi. Asalo Twitter o ZPM no kwplai wngmani kha kaham yapharmani yagulo montri bokhorok Narendra Modi twitter o swikha, Mizoram bidhansabha chongmario kwplai wngmani bagwi Zuram people movement tei Lalduhoma no kha kaham yapharkha. Mizoram ni hamkrai ni bagwi jeswk nangsak chubachu khwlainai hinwi kok rikha. 40 seat ni 27 seat o kwplai wngkha Lalduhoma ni bodol ZPM. MNF mankha kai chi seat. BJP mankha kai nwi seat, congress mankha kai sa seat.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
