Montri bokhorok Narendra Modi ni twidulmung bai hakotor ni joto lukorog no haphangni joto projects ni sep sap rina bagwi Bikasita Bharat Sankalp yatra samung bwtang panda chengsajakha. Montri bokhorok ni bwkak twi sakhwlaijak projects ni sep sap rok joto lukorog no rina bagwi kwbangma samung bwtangni yapri naharkha haste haphang. Aboni mung rijakha Bikasita Bharat sankalp yatra. Kwrak salo Bikasita Bharat Sankalp yatra tei nog brom brom kaham naikolmung ni 2.0 episode ni wngwi Agartala municipal corporation ni luajimung bai kaisa camp no phiyogmani pandao abohai no sakha montri okra Dr.Manik Saha. Chati muchungwi asalni panda no chengsawi rikha montri okra Dr. Manik Saha. Asalni pandao kok narukna thangwi bo sakha, hakotor ni montri bokhorok hoda ni joto lukorog ni kok no sawi tongo, haphang ni joto projects ni sep sap rok no joto lukorog ni nog nogo sagwiya sak joto ni hamkrai wngwi manya hinwi sakha montri okra. Bo teibu sakha, Bikasita Bharat sankalp yatra ni bising twi haphang ni kwbangma projects ni kok rok no sakhwlaijaknai. Aboni bagwi kai chi dok malkhung Delhi ni haste o phaikha. Aro ni bisingo khungtham van. Oh malkhung rok kami kami goriwi kendra haphang tei haste haphang ni projects ni kok rok no pirnai hinwi saimankha. Aboni logi montri okra haphang ni sebok rok no sakha je, tongkosong lukorog haphangni joto habanogo phaikhe borok ni mungsa wngyani bwkhak mokol kaisana bagwi sakha. Tei dakti dakti no Certificate rok rina bagwi sakhwlaikha bo. Belai no nangsuka hnk sebok rokno tichokjaknai hinwi sakha bo.Asalni pandao mayor sakha, oh samung bwtangni kaisa no nasikmung, joto lukorog haphang ni joto projects ni sep sap mannani bagwi qualified wngmani yagulo bo borok aah sep sap manya, aboni bagwi joto no haphang ni sep sap rina bagwi no sak tharwi samung khwlaiwi tongo Agartala municipal corporation ni mayor. Hakotor ni joto lukorog no haphang ni joto projects ni sep sap rok no sagwi rina bagwi saktharwi samung khwlaiwi tongo hakotor ni montri bokhorok Narendra Modi. Bikasita Bharat sankalp yatra ni bising twi tongkosong lukorog no haphang ni sep sap sagwi rina bagwi yapri naharwi tongo hinwi -tangsalo kaisa panda abohai no sakha pradesh bjp ni president Rajib Bhattacharya. Bo teibu sakha 2014 bisi o montri bokhorok LalKella o bhachawi kwrwi lukorog ni bagwi kok samani, tini ni salo abo mwkthang wngkha. Asalni pandao manjakha Agartala municipal corporation ni commissioner Shailesh Kumar Yadav, central zone ni president Ratna Datta.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
