Montri bokhorok Narendra Modi ni yak ramwi Bharat hakotor hamkrai ni phasing thangwi tongo. Abohai hamkrai ni samungo joto no bwskango phainani bagwi- kwrak salo TFDPC rubber tei factory ni samung khwlainai rok ni twiwi haste sammelon tei bodol ni bana rommani pandao manjagwi abohai no sakha Santirbazar bidhansabha kendra ni MLA Pramod Reang. Asalni pandao bono karwi bo manjakha Santirbazar municipal council ni chairman Swapna Vaidya, Municipal council ni vice-chairman Satyabrata Saha, janajati morcha ni haste committee ni convenor Rabindra Reang, TFDPC Shramik bodol ni president Nikhil Biswa, IPFT ni haste committee ni vice-president Manik Tripura no khobui kubuni adongrok. Asalni pandao kok narukna thangwi MLA Pramod Reang sakha, BJP bodol yaksi bodol hai khe politice khwlaiya. Tabok ni haphang ni jorao shramik rok chuba khwlaina nangya, haphang sebok rok bai kwthalaiwi samung khwlailaio hinwi sakha bo. Abohai khe no hamkrai ni wngwi tongo, tei phainai salo bo wngnai hinwi sakha bo. TFDPC chairman ni barja naharmani yagulo oh tangbedekno teibu kuchugo twlangna bagwi pamwell swnamkha, hati ni rubber paimung, Rubber bwphang ni chair table tei agar phalmano khobui kwbangma samung bwtangni yapri naharkha hinwi sakha MLA. Asalni sammelon o janajati morcha ni haste committee ni convenor Rabindra Reang ni twidulmung bai 60 nukhungni bebagwi 161 voters rok kubuni bodol yakarwi BJP bodol ni bana romkha. Asalo borok no bodol ni bana yapharwi lamsogwi naharkha MLA Pramod Reang.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
