Hakotor ni joto lukorog ni bagwi ‘Bikasita Bharat Sankalp Yatra’ no chengsawi rikha hakotor ni montri bokhorok Narendra Modi. Ayushman Bharat ni simi chengsawi Ujjal Yojana, Jaal Jibon mission eba Kishan Samman nidi- tei joto projects ni sep sap rok no haste ni joto lukorog ni nog nogo sagwi rina bagwi sak tharwi samung khwlaiwi tongo kendra haphang. Abohai khe no sak tharwi samung khwlaiwi tongo haste haphang. Tangsalo Agartala municipal corporation ni salgwra zone ni luajimung bai Shyamali bazar ni municipal corporation ni habanogo kaisa panda songchajakha. Nog brom brom kaham naikolmungni 2.0 samung bwtang panda no chengsawi rikha montri okra Dr.Manik Saha. Asalni pandao manjagwi abohai no sakha Agartala municipal corporation ni mayor Dipak Majumder, Asalni pandao bono karwi bo manjakha pradesh bjp ni editor Papiya Datta, Agartala municipal corporation ni assistant commissioner Mohammad Sajjad, salgwra zone ni chairman Pradip Chandra. Asalo salgwra zone ni kai char ward no twiwi koklam panda songchajakha. Haste ni kwbangma lukorog tabok fano kendra haphang tei haste haphang ni projects ni sep sap manyakhu. Aboni bagwi haphang ni joto projects ni sep sap rok joto lukorog no rina bagwi no Bikashit Bharat Sankalp Yatra tei nog brom brom kaham naikolmungni samung bwtang panda no chengsawi rijakha hinwi sakha mayor Dipak Majumder.Phainai 2047 bisi o Bharat hakotor yoksamani 100 bisi pungsanai. Aah jorao Bharat no hayungni joto ni sai kwchugo kajak hakotor wngwi tisana muchungjago hakotor ni montri bokhorok Narendra Modi. Bharat hakotor ni joto ni nog nogo nungjaknai twi tei chwng phereng tei mamwi songjaknai gas ni sep sap joto lukorog no rina bagwi sak tharwi samung khwlaiwi tongo kendra haphang. Tangsalo aah panda o manjagwi haste ni joto lukorog no haphangni sep sap rok no dakti no rijaknai hinwi sakha pradesh BJP ni editor Papiya Datta.Tangsalo aah pandao aulini salgwra zone ni tongkosong lukorog no SC Certificate, OBC Certificate, PRTC, Ayushman Card, Aadhaar card tei trade licence rijakha hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
