Rajasthan, Madhya Pradesh and Chhattisgarh tei Telangana ah kai bwrui haste bidha sabha ni bwthai phologwi rwjak kha kokti salo tei ah kai bwrui haste ni bising o kai tham haste o no kwbang kuk vote manwi kwplai ung kha BJP bodol ni batainai rok. kokti salo ah kai tham haste ni montri okra ni simi romwi haste ni dal bidal thai ni BJP ni samwng khwlai nai tei naikol nai rok tongthok lai mani nukjak kha.ah kwplai ung mani no kitingwi tang salo rajakhor aguli ni pradesh BJP haba nogo kokthum panda khwlai kha, ah salni kokthum panda o phawi manjak phai kha haste ni montri okra Dr.Manik saha tei pradesh BJP ni achugphang Rajib bhattacharjee.ah salo kokthum thumnai ni bwskang o montri okra saklai kha, Self-reliant bharat, kaham naikol mwng ni bagwi no kwplai ung kha BJP. bharatiya janata party tei montri bokhorok ni hamjakma ni bagwi no kwplai ungkha. 2024 bisi ni loksabha chongmari ni swkang kai tham haste ni bwthai rok belai kheno kaham ung kha, BJP no mechen rwna bagwi congress ni dal bidal thung kwrung bodol INDIA ni mwngui alliance khwlai kha, ah kai tham haste ni result nugwi saiman kha, ah alliance no twi gosimwng rwliya kai tham haste ni loku rok. montri bokhorok Narendra modi ni naikol mwng o hakotor ni loku rok ni bagwi je samwng khwlai tong kha abo rok no nukjak kha kai tham haste ni result o. ah haste ni loku rok sai mankha bharat hakotor o montri bokhorok Naredra modi no karwi mwng sa bo samwng ung galak. hakotor ni dal bidal haste ni chongmari ni bwthai rok nugwi 2024 bisi ni loksabha chongmari ni bwthai tamo ung nai sai man kha hwnui sakha pradesh BJP ni achugphang Rajib bhattacharjee.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
