Teisa hakotor o BJP bodol kwplai ung mani nukjak kha, teisa ‘Namo Magic’no samwng khwlai kha Rajasthan, Madhya Pradesh tei Chhattisgarh ni vote o kaham no bwthai khwlawi kwplai ung kha BJP bodol. Telangaba o kebeng nai bodol kwplai ung phano deramwng rogo kwlai nani mano hwnui wansuk mwng.abo hai habar rogo delhi ni BJP haba nog ni simi hambai yaphar kha montri bokhorok Narendra modi no. kokti salo bwthai rok nugwi manwi BJP ni sadar tang bedek o phawi sokphai kha modi. thangwi sogwi kha kendriya union home minister Amit shah, prati raksha montri Rajnath singh tei BJP ni sarba bharatiya achugphang JP.Nadda akosong.abo ni swkang ni delhi ni BJP tang bedek bwskang o thangwi kwthumlai kha samwng khwlai nai tei anikol nai rok.montri bokhorok no hambai yaphar na bagwi.ah salo delhi ni simi no kai tham haste ni tong kosong loku rok no hambai yaphar kha montri bokhorok Narendra modi.aro kok narugna phuru congress ni phasing naharwi kok samani bo nukjak kha, sakthar mwng rwmani bo nukjak kha modi no.Abo ni ulo no montri bokhorok saklai kha, tini hakotor ni loku rok sak ni mwchung mani kok saimankha, ah hoda no congress dok chi bisi romwi usulwi ton mani.gujrat rogo bo chung nuk kha hoda ni loku rok ni kok kaham khe khwnaiya, rajasthan, madhya pradesh o congress bodol no kwrui khwlawi rikha, ang joto no bodol ni samwng khwlai nai rok no hambai yaphar o. hakotor ni bwrui rok ni kha bising o BJP tong o, tabuk kwplai ung mani bagwi ani naikol mwng teibo kwbang ung nai, hakotor ni joto bwrui rok no ang sana mwchug o BJP kok narug nai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
