BSF ni chaitokma bai mosok phalnani swkangno ramwi mankha kai chuku mosok. Haste o bising bising salbrom no mosok khogwi phalwi tongo mosok ni bania khwlainai rok. Oh patimungo haste police rok belai norom wngmani bagwi no mosokni bania choliwi tongo hinwi wansuklaikha. Haste ni lukorog sakha, West-Bengal o mosok khogwi phalmano kitingwi CBI ni thani mamla sagwikha, phiyabha Tripura o sal kolokma ramwi mosok khogwi bania khwlaiwi tongphano naimwthang bodol ni bwkhak twi mungsa yapri naharjakya. Mosok phalmani koktwma waire wai no koktwma thumnai rok ni bising twi phunukjakmani yagulo bo tabok bo mungsa fano yapri naharya naimwthang bodol. Aboni bagwi kha-phologwi mosok ni bania khwlainai rok Bangladesh o salbrom no mosok rahorwi tongo. Myanmar ni simi Assam tei Mizoram no khobui Tripura ni ari twi khe Bangladesh o rahorjagwi tongo mosok. Ari twi mosok ni bania khwlaiphuru jora jora o ramwi tongo BSF rok. Abohai no koktisalni horo patimung patikha. Koktisalo horni dam nwi tamani jorao Sunamura bwkhaste bai khobjak Bharat-Bangladesh ni ario kai chuku mosok romkha BSF rok. Aah mosok ni hati dor 7 lakh wnganu hinwi sakha police. Mosok khogwi phalmani bania no kasuna bagwi haste haphang tabok tamo tamo yapri nahar abosimi nainani tongsio.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
