‘Modi tong khe no joto samwng ungwi thang nai”hakotor gwnagui no khorang kasai tong kha montri bokhorok Narendra modi ni mwngui. 2024 bisi ni loksabha vote ni swkang bidhan sabha vote tong mani Chhattisgarh, Madhya Pradesh, Rajasthan, Telangana tei Mizoram oh. ah kaiba haste ni bising oh mizoram no karwi kai bwrui haste ni bwthai phologwi rwjak kha kokti salo. abo ni bising o Telangana o simi kwplai ung kha congress bodol. Chhattisgarh, Madhya Pradesh, Rajasthan oh khe BJP bodol no kwplai ung kha. ah kai tham haste o phan rwoi no hapang swnam nani nai tong kha bharatiya janata party, kai tham haste o kwplai ung mani bagwi montri bokhorok Narendra modi no hambai yaphar tong kha BJP ni joto adong tei montri rok.kokti salo tongthok lai mani nukjak kha Tripura o. rong thungwi tong thok lai mani nukjak kha Tripura pradesh BJP. vote ni bwthai rok bwskang o phai khe no hakotor ni teibo haste bai baksha khe rajakhor aguli o bo tongthok lai mani nukjak kha, tong kosong loku rok bai tong thoklai mani nukjak kha haste ni montri okra. rajakhor aguli ni krishna nagar gana pradesh BJP ni haba nog ni simi chengwi kotor bijoy michil khwlai kha haste ni montri okra Dr.Manik saha, bharatiya janata party ni haste achugphang Rajib bhattacharjee tei pradesh BJP ni achugphang Papiya dutta akosong.montri bokhorok ni kok tei samwng nugwi no kwbang kuk vote bai kwplai ung kha BJP bodol hwnui sakha bo loku rok ni wansuk mwng no soi khwlai kha hakotor ni montri bokhorok Narendra modi, tong kosong loku rok kok narugkha,Narendra modi, Amit shah, tei GP.Nadda borok ni bagwi no hakotor ni wmng teibo kwchugo kawi tong kha,bijoy michil o phawi kokti salo abo hai khe no samani nukjak kha pradesh BJP ni achugphang Rajib bhattacharjee no.Madhya pradesh o kwbang kuk vote manwi phan o kiphilwi tong kha BJP.Rajasthan, Chhattisgarh o bo hapang swnam nani nai tong kha bharatiya janata party,joto oi kaisa no khorang kasa kha hakotor gwnagui ‘modi tong khe joto samwng no soi ung nai’
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
