Aulini joto ni sai jam lahar wngkha Akhaura arini lahar. Bharat-Bangladesh ni ario mwikhutung tei manwi khwnwi ni bagwi salbrom no kwbangma malkhung choliwi tongo. Salbrom no oh lahar o malkhung bathakriwi manwi khwnwi load-unload khwlaijagwi tongo. Aboni bagwi salbrom no traffic jam wngwi tongo. Abono twiwi amchaini lukorog lamao malkhung bathakrimano twiwi haste haphang ni thani waire wai complaint rikha. Aboni bagwi oh jwngjal no mwthakna bagwi koktisalo Akhaura check-post ganani lahar no naina thangkha Agartala municipal corporation ni mayor Dipak Majumder. Asalo mayor sakha, Indu-Bangla
Import-Export association ni bania khwlainai rok bai koklam salaikha, tei jeswk sal jora naimwthang bodol ni bwkhak twi parking khwlainani bagwi thai swnamjakya sak Akhaura ari ni border goal chakkar ni lama ganao malkhung park khwlaijaknai. Aboni yagulo bania khwlainai rok ni mungsa khoti wngwlak tei lamao traffic jam wngwlak hinwi saimankha. Phiyabha Indu-Bangla Import-Export association bai gwdaljak bania khwlainai rok no karwi keboni malkhung aro park khwlaiwi mangwlak. Oh dagimungno maniya karwi kebo jadi aah thaio thangwi park khwlaikhe kerongni raida bai aah borok no kebengwi mamla khwlaijaknai hinwi sakha mayor Dipak Majumder Naimwthang bodol bai koklam salaiwi dakti dakti no kaisa parking khwlainani thai swnamjaknai hinwi sakha mayor Dipak Majumder.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
