Sal kisa swkang Melaghar municipal Thakur para ni 11 no ward o tongnai Chinta Haran Paul ni nogo belai no wanama sinsa patimung patikha. Asalo Chinta Haran Paul tei bini bihik tei bwsajwk ni mangkwthwi mankha borok ni chukio. Chinta Haran khorok sa haa ni manwi swnamnai hinwi saimankha. Bini bihik Pratima Paul khorok sa rwngnogo khechury songnai. Achaimani bisi sini ni yagulo himwi manya wngwi kwlaikha borok ni khorok sa sajwk Manika Paul. Phiyabha yakung yak manya fano lekha swrwngwi no thangkha Manika. college ni 2nd years jora lekha swrwngkha bo. Belai biyal ni bagwi lekha swrwngmungno mwthangwi rina nangkha. Belai biyal ni bising twi borok ni nukhung choliwi tongmani, aro ni bisingo no phasalni phungo khungni nogni chukio bwma-bwpha tei bwsajwk ni mangkwthwi mankha. Chasalo o patimungno naicherna bagwi sankha kebengnai bodol ni ojama Animesh Debbarma. Chasalo Melaghar Thakur para ni thwinai Chinta Haran Paul ni nogo thangkha, tamoni bagwi khoroktham no thwinani nangkha, aborok no twiwi saimanna muchungjakha bo. biyal ni bagwi da thwikha? eba thwimani okologo mungsaswk patimung rok da tong, aborok no naicherna bagwi sankha bo. Nangkhe montri okra bai koklam salainai hinwi sakha bo. Patimungno twiwi naicherwi tongo police. Bahai khe khoroktham no eklogi thwikha abono twiwi wanalaijak amchai rwgwi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
