Chasalo Janajati morcha khowai hangkhor committee ni luajimung bai Khowai Ramchandraghat ni Atal community hall o ‘samparka se samarthan’ panda songchajakha. Asalni pandao manjakha haste ni montri okra Dr.Manik Saha, pradesh bjp ni president Rajib Bhattacharya, haste tiprasa hamkrai tangbedekni montri Bikash Debbarma, amchaini MLA Pinaki Das Chowdhury no khobui kubuni adongrok. Asalni pandao kok narukna thangwi montri okra sakha, sal kolokma ramwi haste ni lukorog khwna tongo, Maharaja sngni haste ni bagwi mungsa bo khwlailangya hinwi, phiyabha BJP haphang phaimani yagulo borok ni yakumu rok no lukorog ni bwskango phunugwi rikha. Asalni pandao kok narukna thangwi pradesh bjp ni president Rajib Bhattacharya sakha, tiprasa dopha ni hamkrai ni bising twi haste ni hamkrai. Hakotor yoksamani yagulo fano tolao kwlaijak tongmani tripura haste. Phiyabha hakotor ni montri bokhorok Narendra Modi ni twidulmung bai Tripura haste o kaisa ni yagulo kaisa hamkrai ni samung bwtang khwlaiwi tongo bjp haphang. Asalni pandao montri okra ni yak ramwi kubuni bodol yakarwi khorok chi sini voters rok bjp bodol ni bana romkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
