Thanai kwrak salni horo Udaipurni chok hatio kirima sinsa khe hor nangwi kai chi char phalnog khamwi thapla chakha tei aboni logi crore rangni manwi khwnwi khamkha. O patimung patiphuru haste o kwrwi tongmani amchaini MLA eba haste ni rangthong montri Pranajit Singha Roy. Aboni bagwi chalsalo haste o kiphilmani logi logi no aro thangwi sagwikha. Asalo bini logi tongkha Udaipur municipal council ni chairman Sitalchandra Majumder, Udaipur bwkhaste achukphang ni logi kubuni adongrok. Asalni panda paimani yagulo rangthong montri sakha, o patimung patiphuru bo haste o kwrwi, haste o kwrwi fano kubuni bising twi patimungni koktwma naharkha bo. bwkhaste achukphang rok bai koklam salaikha tei borok no bahai khe chubachu khwlaiwi mano abono twiwi chaitogwi tongo. Abono twiwi phalnog khamjaknai bugra rok sakha, borok ni phalnogno dakti no swnamwi rina bagwi sanlaikha. Phiyabha sal kisa ni bagwi jadi phalnogni bugra rok borok ni phalnogno kubuni thaio twlangkhe, belai no dakti Udaipur municipal council ni bwkhak twi phalnog swnamjaknai hinwi sakha haste ni rangthong montri.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
