AIDS no kebengwi chuba khwlaina bagwi tei hujak khwlainano kitingwi phasalo aulio himbotok khwlaikha. O himbotok oh manjakha haste ni montri okra Dr.Manik Saha, Tripura ni sikla thwng bedekni montri Tinku Roy. Human immuno deficiency virus eba HIV beram no twiwi hujak khwlaina bagwi tei oh beram manjaknai rok no chubachu khwlaina bagwi hakotor ni logi haste o bo bisi brom brom no 1st december ni salo ‘World AIDS Day’ palaijagwi tongo. Tripura state AIDS control society ni luajimung bai phasalo aulini Umakanta school bwskango ‘World aids day’ no kitingwi kaisa himbotok khwlaijakha. O himbotok o montri okra. thwng bedekni montri no karwi bo manjakha sakham bedekni secretary IAS Sandeep Rathore, Padma shri Dipa Karmakar, state nodal officer Dr. Supriya Mallik no khobui kubuni adongrok. 2000 bisi ni simi sak tharwi samung khwlaiwi tongo Tripura state aids control society ni adongrok. Kendra haphangni chubachu bai HIV beram manjak rok no kaham khe naikolwi tongo. AIDS no twiwi lukorog no hujak khwlaina bagwi phasalo nangkukmani kok sakha montri okra Dr.Manik Saha. AIDS no twiwi hujak khwlainani bagwi haphangni logi kwbangma songstha rok no bo bwskango phaina bagwi koikha haste ni thwng bedekni montri Tinku Roy. Tabokni haste haphang haste ni 2 thousand 31 AIDS manjak rok no talbrom no 2 thousand khwlaiwi vata riwi tongo hinwi sakha Tripura sakham tangbedekni bedekni officer, aboni logi mobile intrigrade counselling tei testing van center ni bising twi haste rwgwi no HIV test khwlaijagwi tongo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
