Haste ni tiprasa dosongni lukorog ni hukumu rwkjak yak bai takjak rignai,risa no khobui kwbangma manwi khwnwi no haste tei phatar haste o sinimung manwi tongo. Tei aah yak bai swnamjak manwi khwnwi rok no pirna bagwi haste ni joto lukorogno bwskango phaina bagwi koikha tiprasa hamkrai tangbedekni montri Bikash Debbarma. Santirbazar higher secondary school math-o
haste-rwk handloom ter songchajakha, tei phainai 14 days ramwi cholinai ter. Asalni pandao manjakha bono karwi bo manjakha Julybari bidhansabha kendra ni MLA eba haste ni minority tangbedekni montri Sukla Charan Noatia, Santirbazar bidhansabha kendra ni MLA Pramod Reang, Manu bidhansabha kendra ni MLA Milafru Mog, Santirbazar bwkhaste achukphang Avedananda Vaidya, Santibazar municipal council ni chairman Swapna Vaidya, vice-chairman Satyabrata Saha. Handloom industry ni bising twi haste ni sikla sikli rok no bahai khe ajimungni lama riwi mano abono twiwi no chaitogwi tongo haste haphang hinwi sakha montri Bikash Debbarma. Oh ter o haste ni kwbangma bania khwlainai rok borok ni manwi khwnwi tubuwi ter o phaiwi achuklaikha. Phainai 14 days ramwi cholinai hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
