Tripura haste ni hamkrai ni bagwi kwbangma luko hamkrai ni samung khwlaikha hakotor ni montri bokhorok Narendra Modi. Aboni bagwi haste ni kainwi loksobha ni seat no kwplai khwlaiwi montri bokhorok rok no gift rina muchungjago Bharatiya janata party ni haste president Rajib Bhattacharya. Phasalo Agartala Krishnanagar pradesh BJP ni habanogo kaisa nangkukmani pandao manjagwi Rajib Bhattacharya sakha, 2024 bisi ni phainai loksobha chongmari no kitingwi bodol ni samungo kiphilna bagwi koikha. Narendra Modi no hai no hai Hakotor ni montri bokhorok naina muchungjago haste ni lukorog. Joto bhooth ni samung no chengsana bagwi dagikha bo. Asalni pandao bono karwi bo manjakha pradesh BJP ni editor Papiya Datta, Agartala municipal corporation ni mayor Dipak Majumder, Agartala ni joto corporator tei joto mondal president no khobui kubuni adongrok. Loksobha chongmarini swkang bodol no bahai khe teibu kwrak khwlaiwi mano abono twiwi koklam salaikha borok. Aboni logi hakotor ni kai ba haste o BJP bodol kwplai wngnai hinwi wansukkha pradesh BJP ni president Rajib Bhattacharya. Aboni logi bo teibu sakha, Madhyapradesh, Rajasthan o BJP bodol kwplai wngnai hinwi kha khwlaikha bo. Phasalo nangkukmani oh pandao bodol ni sipai tei haphang ni sebok rok ni bisingo kwthalaimung panda hinwi sakha pradesh BJP ni president Rajib Bhattacharya.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
