salka thanani police rog bai bebagwi 8 lakh rangni rangchak twijak khe romjak kha khoroksa sikok. patimungno twiwi sadar SDPO Devprasad Roy sakha , november tal ni kwcharo agulini kwbangma thaio sikok akarmani nukjak kha. rang chak tei rang rog kwbangma mario khokjak lukurogni nogni ah jorao. aphoro kha khwlaijak kha kaisa sikokni bodolno omo hai khe agulini kwbangma thaio thangwi manwi khokgwi tongo hinwi. sikok akarmani mamla no kaham khe naicherna bagwi kaisa bodol swnamjak kha police rogno bwkhaktwi. mamlano twiwi 29 november salmario khorok tham sikokno romkha police rog. borogni yakni kwbangma marini rangchak bo mankha hinwi koktwmao saimankha. ah sikok rogno swngma yagulo saimankha borogni logio tei khorok brwi sikok tongo, ah sikok rogni mung saimanma yagulo borogno bo romkha police rog. oh sikok rogni bodol romjakma yagulo tabok gana gini rogni amchai rogo manwi khokjakma rog kisa komikha hinwi sakha police rog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
