montri bokhorok modi bwkhaktwi ayushman bharat ni simi chengwi ujjala yojna , jal jibon mission tei kishan samman nidi hai kwbangma yapri kaham naharjakma bagwi hakotorni lukurog kaham sep manwi tongo. hasteo bo omo hai kheno samung khwlaiwi tongo baithangni haste haphang. kendra haphangni bwkhaktwi joto sep rijakma rogno tongkusung lukurogni thanio sogwi rina bagwi sangrong salo Bikshit bharat sankalpa yatra samung bwtangno chengsai rikha hasteni montri okra dr. manik saha. laithangnai bisingrogni simi montri bokhorok lukurogni bagwi je samung rog khwlaijak kha amorog joto hasteni lukurog saimanai oh samung bwtangni bisingtwi. triprasa dophani hamkwraini bagwi je kaham samung rog khwlaijak kha amo rogno oh samung bwtangni bisingtwi saimanai hasteni tongkusong lukurog. kendra tei haste haphangni joto kaham samung rogno awai khwlaina bagwi khong chi dok malkhung naharjak kha . ah malkhungni bisingtwi haphangni kaham samung rog awai khwlaijak nai. phai tongnai tal tham jora oh samung bwtang khwlaijaknai. hasteni MBB chowmuhani oh sangrong salo oh malkhung rogno chengsai rijak kha montri okra Dr.Manik saha. montri okrano karwibo ah salni pandao manjak kha agartala pura nigam ni mayor Dipak Majumdar , commissioner Shailesh kumar Yadav tei corporator Ratna Dutta no khobwi kubuni adong rog. hakotorni kai nwi chibrwi haste tei kendra bai naikuljak bebagwi kai dok chichar hangkhoro bikshit bharat sankalpa yatra chengsai rijak kha. montri okra DR. manik saha ni yak romwi hasteo bo oh samung bwtang chengsai rijak kha .
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
