Salthang Tripura hangkor ni sekerkot oh 85 acre thai nawi samwng ungwi tong kha Indian Oil ni kaisa kotor samwng bwtang. haste ni loku rok ni hamkwrai ni bagwi kwbang khe keroshin,petrol tei diesel ton nani bagwi thok ni depo swnam jak tong kha aro oh. lai thanai 2022 bisi o 500 crore rang ah project o samwng chengwi rwmani. Depo ni samwng paikhe dharmanagar ni thok depo swlai jagwi sekerkot depo no ung nai Tripura haste ni Indian oil ni joto ni swlai kotor depo. tabuk ni bising o no paikha 30% ni sebo kwbang samwng, phiya ba lama ni bagwi kisa deramwng rogo kwlai mani abo ni bagwi PWD no gosimwng rwmani kwtal khe lama swnamwi rwna ni bagwi. ah depo ni samwng paikhe kwbang khe petrol, diesel tei keroshin ton nani man nai, tei phai tong nai sal rogo bangladesh o bo thok export khwlai nani bagwi nai tongkha Tripura hapang ni. watui ni jora rogo bisi burum burum no lahar kotor mwthag jak tong o sal nwi saltham ni bagwi.deramwng o kwlai nani nang o tong kosong loku rok no. abo ni simi yak kak nani bagwi Indian oil ni bwkhak twi kwtal depo swnam jak tong kha. abo no twi kwrak salo achuglai mwng khwlai kha Tripura hapang ni chamwng tang bedek ni montri Sushanta chowdhury, rajakhor aguli ni gorkha basti gana PN.complex o songsajak mani achuglai mwng khwlai montri saklai kha, kendriya petroleum mantrak tei haste hapang ni sep bai phai tong nai 2025 bisi ni bising o painai ah samwng bwtang. kwrak salni ah achuglai mwng o phawi manjak phai kha Indian oil ni corporation limited ni kwchug thai ni joto samwng khwlai nai rok bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
