Lekha swrwngmani logi logi swrwngnai-swrwngnaijwk sngni kwbangma bedek-oh borok ni muchungmano tikhalaina bagwi 2015 bisi o Kola ter songchakha hakotor ni montri bokhorok Narendra Modi. Montri bokhorok ni phunukjakmario himwi no tabok haste haphang rok bo kola ter songchakha. Oh ter ni bising twi haste ni swrwngnai swrwngnaijwk sngni muchungmano tikhalaiwi national level ni kwbangma kola ter o success manwi haste ni mung chwngsasa khwlainai-tangsalo Agartala townhall o songchajak national level kola ter o manjagwi abohai no sakha Agartala municipal corporation ni mayor Dipak Majumder. Bo teibu sakha, rwng swrwngnai-swrwngnaijwk sngni hamkrai ni bagwi kendra haphang tei haste haphang rwng bedek oh kwbangma swlaimung tubukha. Tabok rwng swrwngnai -swrwngnaijwk sngno hakotor ni thinang, aboni bagwi borok no kaham khe phwrwngmung rina bagwi no kwbangma nangkukmani yapri naharkha haste haphang. Asalo National level kola ter o kwbangma rwngnogni phainai swrwngnai-swrwngnaijwk sng borok ni presentation no phunukkha, tei phainai salo national level o success wngwi haste ni mung jwlai jwlai khwlainai. Asalni ter o manjagwi rwng swrwngnai swrwngnaijwk sngno tabok ni bagwi tei phainai salni bagwi kha-kaham tei hamjakma yapharkha mayor Dipak Majumder. 27 tei 28 november ni salmari jora cholinai oh kola ter. Oh ter o mwsamung, rwchapmung, achugwi rikdi tei acting no khobui kai chi topic no twiwi sak baithangni muchungmano phunuknani sep manai rwng swrwngnai-swrwngnaijwk sng.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
