Bisi brom brom ni hai khe no Maharajganja hatio bania samitini luajimung bai Shri Shri Radhakrishna ni rasleela tei Gourango Mahaprabhu ni mahutsav songchajakha. Thanai 19 day ramwi choliwi phaimani mahutsav tangsalo paikha, Asalo Gourango Mahaprabhu ni mondir o thangkha haste ni montri okra Dr.Manik Saha. Bono karwi bo manjakha Agartala municipal corporation ni mayor Dipak Majumder, tei corporator Ratna Datta. Aah mwtai o thangwi haste ni hamkrai ni bagwi surikha montri okra. Aboni yagulo boktorok bai koklam salaikha tei paithago koktwma thumnai rok ni bwskango bo sakha, bisi brom brom no Mahaprabhu ni sangkirton o phaiwi tongo bo, aro phaiwi cheraiphangsini ni kokrok no muito manjakha bo. Haste ni beser beser ni lukorog phaiwi tongo oh kirton o. Bisi kolokma ramwi no Maharajganja hatini bania khwlainai rok Harinaam kirton khwlaiwi tongo, tei phainai salo bo abohai khe no bowi twlangnai hinwi kha khwlaikha montri okra. Asalni Harinaam kirton o boktorok no mahaprasad bagwi charikha montri okra Dr.Manik Saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
