Hor nangwi khamwi thapla chakha battala hati ni mwikhtung phal nok ni simi romwi gana gini ni phal nok rok bo,hor ni andra gundra o atomsa khe hor nangwi khamwi thapla chakha kwbang phal nok.abo hai pati mwng no nugwi amchai gwnagui no hai hola ung lai jak.
amchai ni bwkhak twi saimankha, kokti sal ni horo battala hati ni khung nwi khung tham phal nogo hor nang kha, amchai ni loku rok ni sep bai hor no bwthar nani nai kha, phiya ba hor abo hai khe kabang ung kha gana gini ni phal nok rok bo khamwi thapla chakha. abo ni ulo hor bwthar nai tang bedek ni samwng khwlai nai rok ni sep bai hor bwthar man kha, phiya ba bania khwlai nai rok ni saklai mwng phone khwlai mani ulo phano lerwi phai kha hor bwthar nai tang bedek ni samwng khwlai nai rok. Short circuit ni simi no hor nang kha hwnui sawi tong kha joto no, phiya ba tabuk phano pati mwng no twi swrai swrai khe sawi phanya ungwi tongkha. abo hai khe hor nang ma bai kwbang rang ni manwi deramwng rogo kwlai kha hwnui sakha bania khwlai nai rok.phiya ba sak rogo kebo dukhu man mani koktwma rok kwrui. hor nang mani koktwma sai manwi pati mwng thaio tang salni phung o thangwi sogwi kha haste ni montri okra Dr.Manik saha tei agartala pura nigam ni mayor Dipak majumdar.hor nang mani joto thai rok no berai naikha montri okra tei deramwng o kwlai nai bania kwlai nai loku rok bai kok sakha .ah salo kokthum thum nai rok ni bwskang o montri okra Dr.Manik saha sakha, hor nang mani o belai khe no deramwng rogo kwlai kha bania khwlai nai rok. teibo kotor khe hor nang kha mu gana gini tong mani phal nok rogo, phiya ba hor bwthar nai tang bedek ni samwng khwlai nai rok jora tong sini phai mani bagw kisa ni bagwi yak kak kha gana gini ni teibo phal nok rok. ah salo bo deramwng o kwlai jak bania khwlai nai rok no kok rwkha, hapang ni bwhak twi borok no chubachu rwna ni bagwi nai tong kha, tei phai tong nai sal rogo abo hai pati mwng ungya twi kaham khe bo sep nahar jak nai hwnui sakha montri okra Dr.Manik saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
