Sal kisa Mungiakami RD Block bai khobjak Atharomura Haludiya ADC village ni Bongshikami ni Khokan Debbarma tei Usha Rani Debbarma ni salsa khaksa ni cherai no 30 thousand khwlaiwi phaljakha. O patimungni koktwma manwi haste rwgwi no wanalaijak. Oh patimungni koktwma haste ni naimwthang bodol ni khunjo-oh thangmani yagulo Teliamura bwkhaste ni naimwthang bodol ni dagimung bai naimwthang bodol ni kaisa bodol, oh phaljaknai cherai no rutuklaikha kwbangma thaio. Haste ni kwbangma thaio rutukmani yagulo chasalni phungo Gomati Hangkhor ni Karbook o oh cherai no rutugwi mankha naimwthang bodol. Tabok aah cherai tei buma no Teliamura sakham nogo sak naikoljagwi tongo. Aboni ola Teliamura sakham nogo thangwi sagwikha IAS Chadni Chandran, cherai tei bwma bai malaimani yagulo koktwma thumnai rokni bwskango IAS Chadni Chandran sakha, tabok oh cherai bini nukhungni borok rok bai no tongnai, phiyabha bini nukhungni borok rok jadi aah cherai no narukna muchungya hnk, phainai salo ahh cherai ni thinangno wansugwi haphangni bwkhak twi kaisa nangkukmani yapri naharjaknai hinwi sakha bo. Asalo IAS Chadni Chandran no karwi bo bini logi tongkha Teliamura bwkhaste achukphang Abhijit Chokroborty, Teliamura ni SDPO Prasun Kanti Tripura, DCM Sourav Das no khobui kububi adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
