Aulino sap sutra tei traffic jamp ni yak kakrina bagwi phasalo kaisa kwrak yapri naharkha Agartala municipal corporation ni mayor Dipak Majumder. Haste ni montri okra Dr.Manik Saha ni dagimung bai aulino naithothok khwlaina bagwi kwbangma projects ni wansukmungno twiwi samung khwlaiwi tongo Agartala municipal corporation. Municipal corporation ni conference hall o aulino traffic jamp ni yak kakrina bagwi kaisa nangkukmani koklam panda khwlaikha mayor Dipak Majumder, Agartala municipal corporation ni commissioner Shailesh Kumar Yadav, Traffic ni SP Manik Lal Das no khobui traffic unit ni officers rok no khobui AMC ni officers rok bo manjakha. Aulino traffic ni yak kakrina bagwi osa mwtai ni swkangno kwbangma yapri naharjakha. Bottola ni simi Kaman Chowmony tei Orient chowmony jora, license kwrwi fano bania khwlaiwi tongnai rok no norjaknai hinwi sakha mayor. Aboni yagulo je jagao mano aro no parking khwlainani raida no mwthakjaknai. Je thai rogo samung choliwi tongo eba building swnamwi tongo, ah thai o bo lama katiwi samung ma khwlainai hinwi sakhwlaijakha. Traffic jamp ni yak kakna bagwi tei lama kuwar khwlaina bagwi lama ganao itt, cement tei haching tongnai rok no dakti dakti no lamani norna bagwi sakhwlaikha. Phainai salnwi ni bisingo aulio micking khwlaijaknai hinwi sakha mayor Dipak Majumder. Salnwi ni bisingo borok norya hnk AMC ni sebok rok thangwi nornai hinwi sakha. Traffic rule no twiwi bo kwrak yapri naharna thangwi tongo Agartala doly ni traffic unit. Rule maniya karwi bike,scooty tei malkhung chalokya hnk fine khwlaijaknai hinwi phasalo sakhwlairikha Agartala traffic unit ni SP Manik Lal Das. Aulino sap sutra tonina bagwi tei traffic jamp ni yak kakna bagwi waire wai no abhiyan tongnai hinwi sakha Agartala municipal corporation ni mayor Dipak Majumder.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
