Rajasthan bidhansabha chongmari tei sal sa se tong sioh, loksabha chongmari bo gana phai tong kha, abo hai vote ni jora rogo sangrong salo Sree krishna ni achima thai mathura o thangwi mwtai rwkha montri bokhorok Narendra modi.hakotor ni puila montri bokhorok ungwi Narendra modi no puila mathura o thangwi mwtai rwmani nukjak kha,montri bokhorok mwtai rwmani video social media o viral ungmani nukjak kha, ah salo 525 bisi achimani sal no kitingwi mathura o mwtai songsa jak mani,Dhaulipayu Railway thung khola o brajaraj ter bo ungwi tong kha, ah ter o bo thang mani nukjak kha montri bokhorok Narendra modi no.bini logi tong o uttar pradesh ni montri okra Yogi Adityanath bo.ah panda o teisa mwsamani nukjak kha bollywood actress eba BJP ni dagiphang jwk Hema malini no.sathai kwlai o, bwskang tal rogo no Ayodhya ram mandir phiyogwi rwjak nai, mwtai rwmani ulo panda no songsai rwnai montri bokhorok Narendra modi no.loksabha chongmari ni swkang Ayodhya ram mandir phiyokgwi rwjak nai tei sree krishna ni achaima thai o thangwi mwtai rwmani montri bokhorok abo belai khe no kaham samwng hnwui wansuklai tong kha thung kwrung mohol rogo.
Teisa bangladesh ni habar tungphulaijak
Teisa habar tungphulai jak bangladesh o, tabuk khe tungphula lai mani nukjak kha dhaka o. job no twi sal nwi...
