Sangrong salni horo Khowai thana bai khobjak Dhalabil colony sarkar kamio kaisa wanama sinsa patimung patikha. Ranjit Tati mungwi khorok sa borok chuwak nungwi bihik bwsa no khobui bini nukhungni borok rok no baan kogkha. Bini baan bai sago dukhumankha Pratap Tati, Renu Tati tei Sanjit Tati. Khoroktham ni khakalab-oh baan ni tir nangkha hinwi saimankha. Aboni yagulo borok no sakham nogo twlangjakha. Patimungni yagulo belai no wanalaijak amchaini lukorog. Patimungno twiwi amchaini khorok sa borok sakha, sangrong salni horo belai no chuwak nungwi nogo phaiwi atomsa khe baan twiwi nogni ongkhorkha, bono nogwi bihik baan sekna naikhe bihik Renu Tati no baan kogwi rikha bo, aboni yagulo bwsala Sanjit Tati tei Pratap Tati bono mana khyna phaikhe borok no bo baan kogwi rikha. Joto ni khakalab o baan ni tir nangkha hinwi saimankha. Aboni yagulo amchai rwgwi belai no chirik khoklaimani khorang khwnawi baan twiwi kharwi thangkha Ranjit Tati, patimungni koktwma manwi patimung thaio thangkha police. Baan kokjaknai rok no dakti dakti khwlaiwi sakham nogo twlangjakha. tei baisa bwkhak kharwi thangkha Ranjit Tati. Ah amchaio aboni yagulo tei mungsa kotor patimung patiya twi Khowai thanani OC ni twidulmung bai kwbangma police rok mwrwkphaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
