Maharaja Birbikram manikya bahadhur tripura hasteni bagwi jeswk kaham samung khwlai kha amoswk kaham samung khwlai manliya hasteni kwcham haphang. phiya baithangni haste haphang tabok belaino kaham kaham samung khwlaiwi lukurogni hamkwrai khwlaiwi tongkha. tabok maharaja bir bikram manikya bahadur belaino kaham borom bo manwi tongkha.tabukni jorao sikla sikli rokni bagwi kaham phunukmari wngwi bachakha maharaja.hasteni rwngswrwngni raidano kuchuk beremo twlangna bagwi maharaja bir bikram belaino lengphlaiya samwng khaiwi kwlangkha. phasalo agulini maharaja bir bikram universityo manjakgwi amohaino sakha montri okra Dr manik saha. aah salo maharaja bir bikram ni mangthongno phiyokgwi rikha montri okra .aah salo nangkukmani kokrokno twiwi bo kok narwk kha montri okra.bo sakha tripura hasteni rwngswrwng tei sakhamni raidano kaham khwlainanino baithangni haste haphangni naharmung.hasteni university eba rwngnok kotorrokni hamkhraini bagwi nangkuk mani samwng khwlaiwi tongo haste haphang. MBB university ni kwtal ari eba wall tei kwtal stadium swnam na bagwi haste haphang wansok kha hwnwi sakha montri okra.higher education ni bagwi phatar hasteo thangma rokni raidano swlaina nangnai hwnwi sakha montri okra. phasalni aah panda o manjak kha MBB university ni proffessor satyadeb poddar, register sumanta chakraborty,tripura haphangni kuchuk rwngswrwng bedekni tangphang NC sharma tei agartala Amc ni mayor dipak majumdarno khobwi kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
