Football tei gymnastics ni ulo Tripura haste o puila ni kahai chengsa jak nani nai tong kha National level ni yoga batailai mwng. kendriya hapang ni gosi mwng ni kahai, Tripura School Sport’s Board ni luajimung bai under 17 yrs. ni batainai rok no twi songsa jak nani nai tong kha yoga batailai mwng, joto hakotor bai baksha khe haste o bo school level ni kwbangma yoga thung nai rok tong o haste o.abo ni bagwi no obo hai yapri nahar kha kendriya tei haste hapang. hakotor ni dal bidal thai ni simi haste o phawi sokphai kha yoga khwlainai rok. batailai mwng ni bagwi mwng rok rwkha 351 jona batainai rok.abo rok ni bising o 174 jona chwla tei 177 jona bwrui. ah mari tebo kwbang ungwi mano hwnui sakha Tripura School Sport’s Board ni okra naikol nai rok. hakotor ni kai chi char haste no kawrui phano dalbidal thai ni simi phai nai batainai rok.sangrong salni phung ni bising o haste o phawi sokphai nai borok. phai tong nai 23 november ni simi 27 november jora rajakhor aguli ni NSRCC indor stadium o songsa jak nai national level ni yoga batailai mwng. khwna eba sangrong salo songsai rwnai haste ni montri okra Dr.Manik saha,Mahakaran o kaisa kokthum panda khwlawi swrang salo ah kok rok sawi khwna rwkha Tripura hapang ni thung tang bedek ni montri Tinku roy. swrang salni kokthum panda o phawi manjak phai kha Tripura hapang ni thung tang bedek ni okra naikolnai Satyabrata nath tei tang bedek ni sachib Pradeep kumar chakraborty.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
