Seismic zone o thangwi sogwi kha Tripura,tei habar deramwng rogo chung no teibo kwrak khe sep nahar nani nang nai. building swnam mani jora o kaham khe naikol mwng khwlai nani nang nai infrastructure ni phasing.hwnkhe bangla ni kahai habar deramwng rok phai khe yak kagwi man nai.abo ni logi haste ni dal bidal jora rogo twilom mani bo nukjago. abo ni bagwi administration ni logi o tong kosong loku rok no bo kaham khe naikol mwng khwlai nani nang nai. rajakhor aguli ni guest house o songsa jak mani kaisa panda ni bising twi kwrak sal ni horo abo hai khe no samani nukjak kha salthang Tripura hangkor ni hangkor naikol nai Subhash chandra saha no. hangkor naikol nai ni luajimung bai kokthum thumnai rok no twi songsa jak mani panda o phawi manjak phai kha hangkor naikol nai Dr.Bishal kumar, Disaster Management Authority State Project Officer Dr. Sarat kumar das, kami hamkwrai tang bedek ni naikol nai Sumit majumdar tei khorok char ni kokthum thumnai.habar deramwng no twi nangkuk mani kok sawi khwna rwkha kokthum thumnai rok no.habar deramwng rogo tamo khwlai nai bobo hai khe sep nahar jak nai abo rok sawi khwna rwkha. habar deramwng no twi haste ni loku rok no sakthar mwng rwna ni bagwi abo hai samwng bwtang songsaai rwjak kha hwnui sakha sal thang Tripura hangkor ni hangkor naikol nai Subhash chandra saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
