Natak wngkha chini hukumuni kaisa bedek. hoda dophao amoni nangkukmanibo kahamno nukjakgo. joto natakni bisingtwino hoda hamkwraini bisingtwi belaino nangkukmani kokrog kwcharjakgo. Phekjaknai manwi , balla viva tei kha pherlaimung hai kwbangma kokrogno twiwino natak khwlaijakgo tei lukurogno kok kaham kwcharwi hojak khwlaijakgo. aboni bagwi omo hai kaham yapri rogno naikulwi ma tongo. tang salo haste rwkjak natak eba natya utsav oh manjakgwi kok narwkna thangwi omo haino sakha montri okra Dr.manik saha. hasteni hukumu tang bedekni luajimungbai bisi ba ni yagulo oh panda songsajak kha. ah salni pandao mori okra no karwibo manjak kha, hukumu tang bedekni culture committee chairman Subrata Chakrabarty , tang bedekni naikulnai Bimbisar Bhattacharjee tei hasteni natak kwrwng rog. kolkata mung gwnang natak kwrwng Samadharsi Dutta bo ah pandao manjak kha hinwi koktwmao saimankha. hasteni joto hangkhornino natak kwrwng rog ah salni pandao manjak kha hinwi koktwmao saimakha. phainai sal chisa rwkgwi 30 november jora ah panda khwlaijaknai. bebagwi kai nwi chisa natak phunukjaknai hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
