Bharat hakotor o bisi nwi eba bisi tham rogo belai khe no kwbang ungwi nukjak tong kha breast cancer choprob jak mani mari. Lancet Commission 2023 bisi o khwlai jak mani kaisa cherwi naikol mwng o sanlai mwng kasakha, je kaham khe sak naikol mwng khwlai tong ma bai,breast cancer oh 100% choprob jak mani bwrui rok ni bising o 60% no breast cancer rok hambaikha, tei bwrui rok ni bising o breast cancer no twi sakthar mwng rwna ni bagwi Lions Club of Agartala Royal tei State Ayurvedic sakham nok ni luajimung bai tang salo sakthar mwng ni panda tei breast Cancer Screening Program songsai rwjak kha. ah salni panda songsa jak kha, rajakhor aguli ni Paradise chowmuhuni gana state ayurvedic sakham nogo.ah salni panda o phawi manjak phai kha kendraiya prati montri Pratima bhowmik tei mumbai ni simi phai jak cancer ni mwng gwnang Dr.Ivaata Avia, haste ni mwng gwnang cancer bemar ni saknaikol nai Dr.Arup roy barman akosong. ah salni panda o kok narugna phuru kendriya prati montri Pratima bhowmik saklaikha, cancer ung khe ta kiridi,phiya jora tong sini kaham khe sak nai rwjak nani nang nai.abo ni logi haste ni Atal Bihari Vajpayee Regional Cancer Centre ni sep rok no twi bo kok samani nukjak kha bono.bo teibo saklai kha, bharat hakotor ni kotor kotor cancer sakham nok rogo bemar ungjak loku rok je sep manwi tong o,chini haste ni cancer sakham nogo bo abo hai no sep manwi tong o hwnui. Nukhung tei bwsa rogno naikulmangno sak baithangno naikolna pokgwi thango bwrwi rog. Aboni bagwino tini ni simi tei khoroksa bwrwibo sak baithangno khel khaiya eba naikolya ta wngthung hinwi koimung rikha kendriya montri Pratima bhowmik
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
