Chasalo Kadamtola RD Block bai khobjak Kalagangpar gram panchayat ni 7 no ward o kaisa wanama sinsa patimung patikha. Bwpha ni yagu mobile samwi manyani bagwi thamchi kajagwi mwikhutung kaimani bithi nungwi thwinani naikha khorok sa swrwngnaijwk Shamima Begum. Patimungno twiwi bwma Tajuddin sakha, chasalni horo samung paimani yagulo nogo phaiwi bwpha ni yagu mobile sanwi manyani bagwi thamchi kajagwi aldring nungwi thwinani naikha bwsajwk Shamima Begu, swrapsani yagulo no kwlwiwi lengwi thangkha bo. Aboni yagulo puila bono amchaini sakham nogo twlangkha, aboni ola bono kaham khe sak naikolnani bagwi Dharmanagar sakham nogo refer khwlaijakha. Tabok Dharmanagar sakham nogo bono naikoljagwi tongo. Atomsa abohai khe bithi chamani bagwi wanalaijak bwma bwpha. Tabok ni sikla hoda rok salsa mai chaya karwi tongwi mano, phiyabha salsa mobile no karwi tongwi manya. Mobile no abohai khe twijakmani bagwi belai no wanalaijak haste ni sinai nuknai rok adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
