Midhili cyclone ni bagwi miyao belaino nukbar kotor fy kha Hasteo. Dam kwdwkma romwi nukbar kotor phaima bagwi Mai kaijak rog baiwi ha bai nangwi tongbai kha . Salpung watwibo phaikha miya aboni bagwi hukbar khwlaijakrog joto twilumbai kha. Pha salo salpung thakyawi watwi wa ma bagwi tei nukbar kotor phaima bagwi belaino jwngjalo kwlaikha hasteni joto lukurog. Hukbar khwlainai rogni khoti bo wngkuk kha. Lakhibil, Dhajangharh , Nadilakh no khobwi kwbangma amchai rogni kheto rogni Mai kaijak twitola lumwi thangbai kha. Rang ni khotini logi hukbar khwlainai rogni kolomtwi , Phan tei jora bo magna thangkha.cha salo Bishagharh amchaio hukbar khwlainai rogni hamya wngjak hukbar rogno naikulna bagwi thangkha amchaini MLA Sushanta Deb.
Hukbar khwlainai rogni hamya jorano nukg MLA sakha , haste haphang jephorobo hukbar khwlainai rogni logio tongo. Oh khoti wngma rog chubachu khwlaina bagwi bo sak baithangno oh samungno naikulnai hinwi sakha MLA Sushanta Deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
