Thanai 2013 bisi ni 17 november o Bangladesh bai North-east ni puila eba Bharat ni second land port, tei Agartala-Akhaura jora yatra chengsajakha. Abo tabok bisi chi sal pungsawi bisi chi sa o yapri riwi kha. Oh bisi chi sal pungsama salno kitingwi phasalo Akhaura land port o kaisa panda songchajakha. O pandao manjakha Agartala municipal corporation ni mayor Dipak Majumder, 7-Ramnagar bidhansabha kendra ni MLA Surajit Datta, Bangladesh ni assistant high commissioner Arif Mohammad no khobui kubuni adongrok. Asalni pandao Akhaura land port ni simi Agartala ni birkhung khola jora Shuttle service no chengsawi rikha Agartala municipal corporation ni mayor Dipak Majumder. Oh service ni bising twi rang kom bai no lukorog Bangladesh ni simi Agartala birkhung kholao phaiwi manai. Asalni pandao kok narukna thangwi mayor sakha, 10 years swkang bisi o 30-40 thousand lukorog Bangladesh ni simi Bharat hakotor o phaiwi tongo. Tei Bharat ni simi Bangladesh o Akhaura land port ni bising twi thangwi tongo. Phiyabha tabok oh land port ni bising twi talsa o no 40 thousand lukorog thanglaisu khwlaiwi tongo. Tamoni hnk tabok oh port ni service belai no kaham wngkha. Aboni logi bo teibu sakha, joto birkhung kholao 100 % ni bisingo 50 % passenger rok no Bangladeshi rok hinwi sakha bo. Phainai salo Akhaura land port ni naithothok tei passenger rok ni hamkrai ni bagwi kwbangma yapri naharwi tongo haste haphang tei Agartala municipal corporation ni mayor Dipak Majumder.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
