Haste ni jotoo hamkrai ni logi gwdaljak haste ni joto lukorog. Haste ni hamkrai ni bai gwdaljak Tripura haste ni koktwma thumnai rok. Hayung, hakotor tei haste ni kaisa mangpili salbrom no nokjagwi tongo koktwma thumnai rok ni bising twi. Lukorog no hujak khwlaiwi tongo borok. Exploitation, oppression, tei torture no kebengwi koktwma swnamnao salbrom no toyar wngjak borok. Tabok ni hoda o kaisa nangkukmani profession o thai mankha koktwma bedek. 2018 bisi o haste BJP haphang phaimani yagulo koktwma thumnai rok ni kwbangma manthai sokthai rok no twiwi sak tharwi samung khwlaiwi tongo haste haphang. National press day no kitingwi sangrong salo aulini Rabindra Bavan o songchajak pandao abohai no sakha haste ni rangthong montri Pranajit Singha Roy. Asalni pandao kok narukna thangwi montri sakha, swkango Tripura ni koktwma thumnai rok no borom rijakya. Sabo koktwma bedekgo samung khwlaiwi tong, abono sai manya. Phiyabha haste o BJP haphang phaimani yagulo press card ni sep sap rikha. Bokhorok bomtom gwnang, kubui tei kha kwrak koktwma thumnai rok no hoda no lama phunuknai. Koktwma bedek wngkha ganatantra ni 4th pilar. Aboni logi bo teibu sakha, Koktwma thumnai rok bai bahai khe kaham halok swnamnai, aborok no twiwi chaitogwi tongo haste haphang. Tripura ni hukumu mukumu bedekni luajimung bai tei Agartala press club ni chubachu bai songchajak pandao manjakha Tripura high-court ni chief justice Arindom Lode, haste ni hukumu mukumu bedekni tangphang Bimbisar Bhattacharya, editor PK Chokroborty, Agartala press club ni president Jayanta Bhattacharya, editor Ramakanta Dey.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
