chini tiprasa dophao belaino mwsana kwrwng , rwchapna kwrwng tei swina kwrwng kwbangma lukurog tongo. phiya kaham sep manyani bagwi hoijakgwi tongbai kha ah rwngmung rog. Tiprasa sikla sikli rogni bagwi tabok belai kaham koktwma tei kaham sep tubui phaikha TTAADC haphang. tripura hasteni kami beser rogni rwchapmung kwrwng kwrwng sikla sikli rog tabok borogni bisingo rwchapkwrwngni talent tongmano tabok joto lukurogni bwskango phunukgwi manai. ah talent no phunukna bagwi kaisa kotor yapri nahar kha TTAADC haphang. tiprasa sikla sikli rogni talent no naithok khe lukurogni bwskango tubuna bagwi chengsai rijaknai Tipra Idol mungwi kaisa bataimung. bataimungni selection ni bagwi hasteni joto hangkhorono audition naharjaknai hinwi koktwmao saimankha. aroni bisingo phainai 24 november oh hasteni salgra hangkhor ni birchandra manu oh audition naharjaknai. rwchapna mochongnai joto tiprasa sikla sikli rogno aro manjakna bagwi koimung khwlaijak kha , tamoni hinba bataimungo kwplai wngnaini bagwi kaisa kotor sokta tongo. oh bataimungni joto kokno lukurogni thani sogwirin bagwi swrai swrai kok saikhwna rikha salgra hangkhorni zonal development officer Ajit Debbarma. dophani siklarogno bwskango twlangna bagwi TTAADC haphangni bwkhaktwi oh yapri naharjak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
