ISRO ni Chandrayaan-3 no twiwi kwtal koktwma sokphaikha. Talba ni yagulo, Chandrayaan ni lander Bikram tei Rover no twiwi kaisa koktwma sakhwlaikha ISRO. ISRO sakhwlaikha, launcher ni chubachu bai thanai 14 july 2023 o Chandrayaan-3 space o horjakha, abo ni kaisa bwbak tabok prithibio phaikha. Sangrong salni aichugni dam nwi jorao launcher ni kaisa bwbak America ni salgwra prasanta mahasagar o phaiwi kwlaikha. Abo wngkha LVM-3 M4 Rocket ni kaisa bwbak. NASA ni sceientice rok abo rutugwi mankha. Salgwra America ni Aerospace Defense Command abono track khwlaikha. Tracking khwlaimani yagulo borok ISRO bai koklam salaikha, ISRO ni bwkhak twi sakhwlaijakha je, oh launcher prithibio kiphilna bagwi 124 day jora nangkha. LVM-3 M4 Launcher bo abohai no jora nangkha. Prithibio mungsaswk kotor patimungni yak kakna bagwi no abono space horjakha. Tei LVM-3 M4 aboni thok bo paikha hinwi saimankha.
Teisa bangladesh ni habar tungphulaijak
Teisa habar tungphulai jak bangladesh o, tabuk khe tungphula lai mani nukjak kha dhaka o. job no twi sal nwi...
