15 novbember swrang salo wngkha yoksamani chobao langma bedoknai Birsa monda ni achaima sal. oh bisio bini phil sa ra brwi chichar bisi sal pungsakha. hakotor gwnangwi bono bhagban Birsa monda mungwi sinijakgo. birsa monda ni amchaima salno rwksai swrang salo agulini rabindra bhavano kaisa panda songsajak kha. bisi brumno belaino borom rimungni bisingtwi khe birsa monda ni achaima sal palaijakgo hasteo. oh salno tabok hakotor gwnangwi montri bokhorok modini yakbai khwlai phiyokgwi rijak kha kaisa samung bwtang. hasteo oh samung bwtangno chengsai rikha montri okra DR.Manik Saha.abono karwibo hasteo har ghar sushasan 2 mungwi kaisa kwtal samung bwtang chengsai rijak kha. agi puila haste gwnangwino haphangni kaham kaham samung bwtang lukurogni thanio sogwirina bagwi oh kokchap naharkmani tripurani haste haphang. tabok haino hai oh samung bwtang no chengsai rikha haste haphang. ah salni pandao kok narwkna thangwi montri okra Dr.Manik Saha sakha, kwtal samung bwtang bikashita bharat sankalpa hakotorni joto tong kusung lukurogno kaham sep rina bagwi chengsa rijak kha. Ah salni pandao montri okra ni logio manjak kha tiprasa hamkwrai tang bedekni montri Bikas Debbarma , chwng pherang tang bedekni montri Ratan lal Nath , minorty hamkwrai tang bedekni montri Shukla charan Noatia tei kubuni tang bedekni ojama rog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
