Kwrak salo seva tei sahayata porisad ni bwkhak twi CRPF Tripura sector ni chubachu bai Manipur o manwi khwnwi rahorjakha. Asalo Agartala press club o seva tei sahayata porisad ni luajimung bai songchajak panda ni paithago bana lilagwi manwi rahorkha. Asalni pandao manjakha kendriya montri Pratima Bhowmik, Ramkrishna mission ni maharaj, CRPF officer Bikash Singh, seva tei sahayata porisad ni members rok no khobui kubuni adongrok. Asalni pandao kok narukna thangwi kendriya montri Pratima Bhowmik sakha, Sal kisa swkangno Assam haste ni twi tormao jwngjalo kwlaijak lukorog ni bagwi manwi khwnwi horkha oh songstha. Tabok Manipur ni lukorogno chubachu khwlaina bagwi bwskango phaikha oh songstha. Swami Vivekananda ni phunukmari no twiwi oh songstha rok je samung khwlaiwi tongo, aboni bagwi songstha ni joto no hambai yapharkha bo. ‘Jibe prem kore je jon sei jon sebiche ishwar’. Swami Vivekananda ni o kok no langmani cholimano phwnangkha oh songsthani adongrok. Hoda ni hamkrai ni bagwi jetwi khe sak tharwi samung khwlaiwi tongo tei jetwi khe lukorog no chubachu khwlaiwi tongo. Phainai salo borok ni songstha ni mungsaswk nangkhe borok no chubachu khwlainai hinwi sakha kendriya montri Pratima Bhowmik.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
