Mujhko Pina Hey, Pine Do, Mujhko Jina Hey Jine Do- oh gaan tabok mwkthang wngkha. Teliamura thanani khorok sa police officer ni tamungno nogwi naslelaijak Teliamura amchaini lukorog. Khaksa bwkhak haste ni montri okra Dr.Manik Saha phekjaknai manwi ni yak kakjak Tripura swnamna bagwi sak tharwi samung khwlaiwi tongo, abohai no tei baisa bwkhak Teliamura thanani khorok sa police officer ni abohai tamung nogwi wanalaijak amchaini tongkosong lukorog. Sal kisa ni yagulo no wai re wai Teliamura thanani S.I Ramkrishna Das no kebengwi kwbangma koksilsamung kasao. Sal kolokma ramwi bonbo kebengwi koksilsamung bwlai rijakphano bono kebengwi action naharjakya. Phiyabha tabok Inspector Ramkrishna Das no kebengwi Tripura police act 90 darao mamla khwlaiwi naicherwi tongo Teliamura thanani police. Tangsalo belai no chuwak nungwi duty o phaikha bo. Thanao ulta polta samung khwlaikha Teliamura thanani sub-inspector Ramkrishna Das. Koktwma o saimankha, koktisalni horo Teliamura thanao songchajak Kali mwtaio mwtai ni got rok no khobui joto manwi khwnwi rok no khitar baiwi ulta polta khwlaikha bo. Tangsalni phungo abono twiwi joto no swbaiwi sai khwna rikha Teliamura thanani second OC Inspector Nandan Vaidya. Sub-inspector Ramkrishna Das ni kaisa ni yagulo kaisa ni samung bwtangno twiwi naicherna chengkha Teliamura thanani officers rok. Tei baisa bwkhak haste ni mung gwnang thana hinwi bo sinijagwi tongo Teliamura thana. Phiyabha ah thanao no abohai urpatimano twiwi kwbangma sungmung achaiwi tongkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
