Udaipur ama Tripureshwary ni mondir o haste ni joto ni sai kotor Diwali ter palaijagwi tongo. Koktwmao saimankha, 1501 bisi o Tripura ni Maharaja Dhanya Manikya Tripura sundari mondir swnamkha. Ama sati ni 51 peeth ni bisingo kaisa peeth wngkha Ama Tripura sundari ni mondir. Bisi brom brom no oh mondir o diwali ter palaijagwi tongo. Oh diwali ter no tongkwchangni bising twi naithothok khwlaiwi khwlaina bagwi sal hor no sak tharwi samung khwlaiwi tongo amchaini MLA eba Matabari Diwali ter committee ni chairman Abhidheck Debroy no khobui kobui ni adongrok. Koktisalni sarigo haste ni montri okra Dr.Manik Saha ni yak ramwi oh ter no chengsawi rijaknai. Aboni bagwi koktisalni diporo joto sep sap nahar mano cherwi naina bagwi Tripureshwary mondir bwskango thangkha MLA Abhisheck Debroy. Asalo koktwma thumnai rok ni bwskango bo sakha, Thanai bisi o Natural disasters ni bagwi kwbangma boktorok ter o phaiwi manliya, aboni bagwi bania khwlainai rok ni bo lose wngkha. Aboni bagwi joto bwkhak no wansugwi takwlai bisi ni diwali ni ter salnwi ni jagao saltham khwlaijakha. Aboni logi boktorok ni bagwi train ni sep sap bo khwlaijakha hinwi saimankha. Diwali ter no kitingwi koktisalni phungo ama ni mondir o kwbangma lukorog mwtai rina chengkha. Oh ter o haste ni lukorog simiya, Bangladesh ni boktorok bo phaikha hinwi saimankha. Haste ni joto ni sai kotor ter o mungsaswk patimung patiyani bagwi joto ni sai sak tharwi samung khwlaiwi tongo hangkhor ni police rok. Oh ter o naimwthang bodol ni bwkhak twi tamo tamo yapri naharjakha aborok no swbai sukurwbwi sai khwna rikha Gomati hangkhor ni police super Nabin Pathak. Oh ter no kitingwi salbrom ni sarikphango haste tei phatar haste ni artist rok ni panda tongnai hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
