Diwali ter no kitingwi Hakotor ni joto lukorog no khatung khaza wnglaijak. Ah jorao fano hakotor o tongkwchangni boyer tonina bagwi hakotor ni ario duty khwlaiwi tongo Bharat hakotor ni sengkrak rok. Bisi brom brom no Bharat hakotor ni sengkrak rok bai no Diwali ter palaiwi tongo. Takwlai bisi o bo hai no. Takwlai bisi ni Diwali ter palaina bagwi Himachal Pradesh ni Lepcha o thangwi sagwikha montri bokhorok Narendra Modi. Aro thangwi Bharat hakotor ni sengkrak rok bai baksa Diwali ter palaikha montri bokhorok Narendra Modi. 2014 bisi o sengkrak rok bai baksa Diwali ter palaina bagwi Siachen thangkha montri bokhorok. 2015 bisi o Punjab o. 2016 bisi o Himachal Pradesh ni Sumdo o thangkha bo. 2017 bisi o Salgwra Kashmir ni Gurage Valley o thangkha bo. 2018 bisi o Uttarakhand Harshil o. 2019 bisi o Jammu-Kashmir ni Rajurio, 2020 bisi o Rajasthan ni Joyshalmi o, 2021 bisi o Jammu Kashmir ni Nousherai, 2022 bisi o Kargil o thangkha montri bokhorok Narendra Modi.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
