Koktisalo haste rwgwi no Diwali ter palaijaknai. Chasalo Aulini kwbangma club ni adongrok no Shyama mwtai no nainani bagwi khologwi rikha. Abohai khe no koktisalo kaisa panda ni bising twi aulini GB Bazar ni Ram Krishna club ni Shyama mwtai no phiyogwi rijakha. Asalo feeta ramwi mwtai no chengsawi rikha Agartala municipal corporation ni mayor Dipak Majumder, bini logi tongkha Agartala municipal ni MIC member Hiralal Debnath, salgwra zonal ni chairman Pradip Chanda, municipal corporation ni 7 no ward ni corporator Jaya Danuk no khobui kubui adongrok. Shyama mwtai khwlaimani logi logi thwirimani panda hai kwthar samung ni bagwi bwskango phaimani bagwi club ni adongrok no hambai yapharkha mayor. Haste o BJP haphang phaimani yagulo haste o je tongkwchangni boyer sipsakha, ah boyer no bowi tonina bagwi ama ni thani surikha bo. Asalni mwtai chengsamani yagulo amchaini kwrwi lukorog no ri-chum bakkha Ram Krishna club ni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
