Tini no Diwali Ter. Oh ter no kitingwi bisi brom brom no Udaipur ama bario kotor kwlaiwi ter songchajago. Bisi brom brom no haste ni kwbangma lukorog ama ni hamarai naphaina bagwi Tripureshwary mondir o phaiwi tongo. Aboni logi ah ter o manjaknai lukorog ni bagwi bisi brom brom no rwchapmung mwsamung panda bo khwlaijagwi tongo. Oh ter no tongkwchang ni bising twi khwlaina bagwi tal sa ramwi mondir ni pujari rok no twiwi koklam panda khwlaiwi tongo Matabari kendra ni MLA Abhisheck Debroy. Diwali ni jugalmungno twiwi chasalo Matabari mondir bwskango kaisa kokthum panda songchajakha. O pandao manjakha Matabari kendra ni MLA ena Diwali ter committee ni chairman Abhisheck Debroy, haste ni rangthong montri Pranajit Singha no khobui haphangni kwchuk berem ni officers rok bo manjakha. Koktisalni sarigo satarai sogwi Diwali ter no chengsawi rinai haste ni montri okra Dr.Manik Saha. sarikphangni dam sini jorao boktorok ni bagwi ama ni dogolam khologwi rijaknai hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
