Shyama mwtai no kitingwi haste o phaikha haste ni kwcham montri okra eba rajyasabha ni MP Biplab Kumar Deb. Thanai bisi khaksa swkang montri okra ni achukthai yakarmani yagulo bo haste ni lukorog bono pogwi manya. Hamjakma tei borom ni bising twi no bono jora jorao ganao sano haste ni lukorog. Ah hamjakmani bagwi no waire wai lukorog ni ganao phaiwi tongo bo. Takwlai bisi ni Kali mwtaini salo phungni simi no aulini dalbidal Shyama mwtai ni mondir o thangwi mwtai rwikha bo. Ama ni thani haste ni joto lukorog ni hamkrai ni bagwi surikha haste ni kwcham montri okra eba rajyasabha ni MP Biplab Kumar Deb. Koktisalo aulini Indranagar ni Joy maa kali santan songha o thangkha bo. Aro haste ni lukorog ni hamkrai ni bagwi surikha bo. Aboni yagulo Usha bazar ni Bagat Singh Palli Nari shakti puja committee ni Shyama mwtaio thangkha bo. Aroni simi thangkha Panchabati Kali mondir o. Lichubavan ni sikla members rok ni luajimung bai songchajak Shyama mwtaio manjagwi amchaini kwrwi lukorog no ri-chumm bakkha haste ni kwcham montri okra eba rajyasabha ni MP Biplab Kumar Deb. Koktwma thumnai rok ni bwskango bo sakha, Ama kali ni hamari bai kaham kwrwngni bising twi tongna ungthung haste ni joto lukorog. Koktisalni horo Udaipur ama bari mondir o thangwi hamari nanai hinwi sakha haste ni kwcham montri okra eba rajyasabha ni MP Biplab Kumar Deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
