Koktisalni phungo huijak koktwma ni bising twi khorok chi bwri Bangladeshi no romkha Sabrom thanani police, BSF 96 batallion ni sengkrak rok. Chasalni horo Bangladesh ni Voishnabpur amchaini simi Bharat o hapmani borok. Voishnobpur amchaio tongnai Chryso Mog ni nogo hor aikha. Huijak koktwma ni bising twi BSF sengkrak rok no logi twiwi koktisalni phungo ah nogo thangwi chopropkha Sabrom thanani police. Aboni yagulo borok no Sabrom thanao twlangkha. Bangladesh ni borok rok no hamya raida bai Bharat hakotor o tubumani bagwi Chryso Mog, Athubai Mog tei Khoka Tripura mungwi khoroktham borok ni bania khwlainai no romkha Sabrom thanani police. Borok ni joto ni nogno Voishnabpur amchai o hinwi saimankha. Hamya raida bai Bharat hakotor o hapmani bagwi Bangladesh ni borok rok no kebengwi kaisa mamla khwlaikha Sabrom thanani police. Borok kok sungmani yagulo saimankha, borok Delhi o thangnani bagwi se Bharat o hapkha hinwi saimankha. Khoroktham no romphano borok phalmani bania o teibu borok gwdaljak tongo hinwi sakha police. Kubuni borok rok no romna bagwi tabok naicherwi tongo police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
