Dharmanagar ni brown sugar ni bania khwlainai Wajib Mia no romwi phasalo dorbar nogo twlangkha Dharmanagar thanani police. Huijak koktwma ni bising twi thanai 6 october o Dharmanagar salthang Chandrapur gram panchayat ni Khokan Nama Sudra mungwi khorok sa borokno romkha Dharmanagar thanani police. Bini yagu 50 gram brown sugar mankha. Mamlani number wngkha 177-DMN-2023. Kerongni raida 22B/29 NDPS darao Khokan Nama Sudra no romkha. Tei oh mamlao tei khorok sa bo gwdaljak tongo hinwi saimankha, bini mung wngkha Wajib Mia, omar 38. Salbrom no kharwi tongo bo, phiyabha Dharmanagar thanani police rok bo salbrom no bono rutugwi tongo. Phiyabha Paithago eba sangrong salo huijak koktwma ni bising twi salthang Chandrapur 2-no ward o bini sak baithangni nogo thangwi Wajib Mia no ramwikha Dharmanagar thanani police. Police rok sungmani yagulo Wajib Mia Brown sugar ni bania bai gwdaljak hinwi police rok no sakha. Phasalo bono dorbar nogo tisawi phainai salbwri-salba ni bagwi police remand o tonina bagwi koikha Dharmanagar thanani police. Wajib Mia ni khogo haste ni brown sugar ni bania khwlainai rok ni mung saimannai hinwi kha khwlaikha Dharmanagar thanani police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
