Huijak koktwma ni bising twi LPG gas Cylinder twijak kaisa lory malkhung tei khungsa bokcha gas cylinder twijak auto malkhung romkha Dharmanagar thanani police. Abono twiwi Dharmanagar thanani police officer Debasish Saha sakha, swrang sakni horo police ni thani kaisa koktwma sokphaikha je, Tupirbonda amchaio kaisa LPG gas cylinder twijak lory malkhungni cylinder tikhalaiwi bokcha gas cylinder o dawi tongo. Abono rwgwi no TR05 F 1783 number ni kaisa lory malkhung tei TR05 D 1753 number ni kaisa auto malkhung no thanaio twlangkha. Aboni logi lory chaloknai Ashok Das no bo romkha. Aboni logi gas cylinder seal khwlaijaknai manwi khwnwi bo mankha hinwi sakha police. Tabok malkhung tei manmani manwi khwnwi rok no Dharmanagar bwkhaste chamung bedekni thani yapharwi rikha police. Asalo Gas cylinder twijak lory o Assam haste tei Tripura haste ni registration mankha hinwi sakha police. Abono twiwi naicherwi tongo hinwi sakha chamung bedekni inspector Bashab Bhattacharya. Gas cylinder rok no chamung bedekni habanogo twlangmani yagulo, oh samung bwtango borok ni logi tei sabo sabo tong, abono twiwi naichernai hinwi sakha police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
