Hasteni tapashili dophani rwng swrwngnai tei swrwngnaijwk songno swrwngmungo kha thangsa rina bagwi jora jora rwng nog tei rwng nogo kotor rogo dalbi dal ni yapri naharjakgwi tongo hasteni tapashili dopha hamkwrai tang bedekni bwkhaktwi. tabok hatseni tapashili dophani rwng swrwngnai rogni bagwi kwtal yapri nahar kha tang bedek. swrang salo hatseni tapashili dophahamkwrai tang bedekni luajimung bai hasteni BBMc rwng nog kotoro NET / SLET coaching centre phiyokgwi rijak kha. kaisa pandani bisingtwi ah coaching cenntre no phiyokjak kha swrang salo. ah pandao manjak kha hasteni tapashili dopha hamkwrai tang bedekni montri Sudhangsu Das. tripura khabi board ni kwcham chairman Rajib Bhattacharjee, college ni phwrangnai okra Dr. Ratan DEb , college teachers council ni secratary Dr. Jiban Krishna patara no khobwi kubuni ojama rog. ah salni pandao kok narwkna thangwi monrti sudhangsu das sakha , hasteni lekha kwrwng sikla sikla rog IAS , IPS wngnai bagwi UPSC ni amjukmungo achukna hinkhe delhi oh coaching khwlaiwina bagwi mathangnai amoni bagwi borogni coachingni bagwi kaham yapri naharna bagwi bharat haphangni thanio koimung khwlaikha bo. kha khwlaijakgo dati ah koimung rog gosimung manai hinwi sakha montri sudhangsu Das. aborogno karwibo hasteni tapashili dophani rwng swrwngnai rogni bisingo je rog doctor porina bagwi sep mankha borogno bisi brumno 4 lakh rang tang bedekni bwkhaktwi rijaknai hinwi sakha montri sudhangsu Das ah salni pandao kok narwkna thangwi puilaono omo hai yapri kahama bagwi montri sudhangsu das no hambai yaphar kha hoda hamkwraini samung khwlainai Rajib Bhattacharjee. rwng nog kotoro B.ed ni course chengnai rina bagwibo koimung khwlaikha bo ah salo. tapashili dopha hamkwrai tang bedekni bwkhaktwi hasteni kwbangma rwng swrwngnai rogno hamkwrai manai tongkha amo baithango nukjakgwi tongo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
